Менаџерот на фудбалскиот клуб Манчестер Сити, Пеп Гвардиола денеска изјави дека е уверен оти неговиот клуб ќе ја одбрани титулата во англиската Премиер лига, пренесуваат британските медиуми.
Манчестер Сити минатата сезона ја освои титулата во Премиер лигата, ФА Купот и Лигата на шампионите.
Гвардиола тврди дека е задоволен од настапот на последните два натпревари во Премиерлигата и истакна дека чувствува дека неговиот клуб ќе ја брани титулата во англискиот шампионат.
„Во моментов чувствувам дека ќе ја освоиме Премиер лигата. Ако постојано играме на нивото што го покажавме против Ливерпул и Тотенхем, повторно ќе бидеме шампиони. Но, знаеме дека нема да биде лесно“, изјави Гвардиола на прес-конференцијата во пресрет на натпреварот со Астон Вила.
Фудбалерите на Манчестер Сити моментално се на третото место на табелата во Премиер лигата со 30 бодови. Арсенал е прв со 33, додека Ливерпул е втор со 31 бод.