Менаџерот на Манчестер Сити, Пеп Гвардиола изјави дека не е само норвешкиот напаѓач Ерлинг Халанд заслужен за лошите резултати на англискиот шампион во досегашниот дел од сезоната.
Манчестер Сити претрпе 9 порази во последните 12 натпревари во сите натпреварувања.
– Проблемот доаѓа од сите нас, а не од еден играч. Кога дававме голови во минатото, а Ерлинг беше најдобар стрелец, тоа беше и благодарение на тимот. Ерлинг ни е многу важен. Мора да се обидеме да ги правиме работите подобро, подобро да го користиме. Оваа ситуација е нова за сите нас. Се работи за сите нас. Момците се трудат повеќе од кога било – изјави Гвардиола и додаде:
– А кога имате проблеми во одбраната, во средината тоа се проблеми за сите, тоа е тимска работа, а не работа на еден играч. Би било прелесно доколку одговорен е само еден играч – изјави менаџерот на Манчестер Сити.
„Граѓаните“ во моментов се на седмото место на табелата во Премиер лигата со 27 бодови, а во четврток на 26 декември го пречекуваат Евертон во 18. коло.