Гужва на „Табановце“, над 200 возила чекаат за влез во Србија

Над 200 возила утринава чекаат на граничниот премин „Табановце“ за влез во Србија. Граѓаните кои испратија фотографии до „Фокус“, велат дека веќе подолго време чекаат, а колоните возила се видливи од фотографиите.

Гужвата најверојатно е поради тоа што денеска и утре околу 800 граѓани ќе одат во Врање за вакцинација, во организација на
Српскиот културен информативен центар „Спона“.

Досега илјадници македонски граѓани ја искористија шансата за вакцинација против ковид-19 во соседна Србија, а овој месец ќе започне и ревакцинацијата на оние што таму ја примија првата доза на „Астра Зенека“.