Грујевски и Бошковски денеска пред солунскиот суд за лажните патни исправи

Во Судот во Солун денеска треба да биде одржано рочиште за поранешниот началник на Петтата управа во МВР Горан Грујевски и вработениот во УБК Никола Бошковски, по кои македонските власти имаат распишано меѓународни потерници, а грчките власти ги товарат за поседување лажни патни исправи.

Грујевски и Бошковски досега два пати беа изведени пред Судот во Солун, но рочиштата беа одлагани бидејќи грчкиот суд не можеше да обезбеди преведувач од македонски на грчки јазик и обратно.