Груевски со дрско „Не“ на прашањето дали бара нов лидер за ВМРО-ДПМНЕ

Поранешниот премиер Никола Груевски, денеска ги избегна новинарските прашања и не сакаше да даде изјава на новинарите кои го чекаа пред Триумфалната капија, каде тој имаше состанок со неколку градоначалници.

Додека претрчуваше покрај новинарите, на трите прашања кои набрзина му ги поставија додека се качуваше по скалите во портата „Македонија“: Дали ќе се повлече од функцијата претседател на ВМРО-ДПМНЕ, дали е во потрага по нов лидер на партијата, како и тоа дали ќе може да даде изјава, Груевски дрско одговори со три „Не“.