Груевски предупредува дека државата е загрозена

Исправени сме пред голема историска одлука за иднината на нашата земја. Доведени се во прашање нашата економија, нашиот национален идентитет, култура, јазик и држава. На 15 октомври на локалните избори гласајте за луѓе чии постигнати резултати сите ние ги гледаме, изјави лидерот на ВМРО-ДПМНЕ, Никола Груевски, на митинг во Свети Николе.

-Гласајте за луѓе кои знаете дека постојано работеле и во иднина ќе продолжат да работат за наше заедничко подобро утро. Луѓе кои ги исполнуваат изборните ветувања, веруваат во правда, не бегаат од одговорност и учат од сопствените грешки. За луѓе кои веруваат во народот и неговите способности – посочи Груевски.