Груби: Мицкоски прифати премиер Албанец

Вицепремиерот Артан Груби во вечерашното гостување на ТВ 21 откри дека лидерот на ВМРО-ДПМНЕ, Христијан Мицкоски е веќе согласен во последните 100 дена на Владата на чело да застане премиер Албанец.

-Договорот меѓу ДУИ и СДСМ е да има премиер Албанец 100 дена пред избори. Тоа е разговарано со Заев и Ахмети. Интересно е дека и Заев предвидел дека последните 100 денови на Владата ќе ги води премиер Албанец. За тоа е согласен и Димитар Ковачевски верувам. Е сега, да кажам дека и ВМРО-ДПМНЕ се согласни да има премиер Албанец. Тоа е разговарано меѓу ДУИ и ВМРО-ДПМНЕ. Се мисли на последните 100 дена на оваа Влада. Лично за ова разговарале Ахмети и Мицкоски, порача Груби.