Грк најден мртов во автомобил на паркинг на „Богородица“

Грчки државјанин на возраст од 59 години бил најден мртов во автомобил на паркинг на терминалот во близина на граничниот премин „Богородица“, соопшти МВР.

Случајот бил пријавен во полициската станица Гевгелија, а според пријавата, починатиот грк бил најден вчера наутро во 8 часот и 15 минути во автомобил „Хјундаи“ со грчки регистарски ознаки.

Лекар од гевгелиската Итна медицинска помош констатирал смрт без траги на насилство, а увид на местото на настанот извршиле екипи од ОВР Гевгелија. Телото на починатиот е предадено на обдукција.