Грета пристигна во Лисабон со еколошка јахта

Шведската активистка Грета Тунберг денеска со еколошко пловило катамаран пристигна во Лисабон по три недели пловење по Атланскиот океан, од каде ќе го продолжи патот кон Мадрид каде што се одржува Конференција за климатски промени на ОН.

Грета пристигува од САД во Лисабон каде што ќе се сретне и со други активисти.

Еколошкиот катамаран „Вагабонде“ со кој патува Грета е долг 15 метри и  користи соларни панели и хидрогенератори за струја. Таа одбива да патува со авион, бидејќи  смета дека тоа превозно средство многу ја загадува околината.