Граѓаните на порадикални протести ќе бараат одговорност за несреќата во Нови Сад

Во Србија продолжуваат сослушувањата по несреќата во Нови Сад, кога 14 лица загинаа при уривање на настрешницата на железничката станица.

Тројца од повредените се уште се во тешка состојба. Има многу непознати и неодговорени прашања, а граѓаните бараат одговори и одговорност.

И на протестот во Белград денеска беа побарани оставки.

Политичките организации и партии, но и граѓаните најавија радикализација на протестот.

Српскиот премиер порача дека политичка одговорност мора да постои, но дека одлуката ќе се донесе со ладна глава и врз база на факти, а не на притисоци од улица.