Градоначалникот на Ресен повика на чистење на градот од пропагандните материјали

Ресенскиот градоначалник Живко Гошаревски ги повика младите од сите политички партии, учесници на парламентарните избори, заедно организирано да ги отстранат сите рекламни политички материјали, постери и флаери низ општината.

Со цел чиста и средена околина, тој упати повик и побара да се покаже совесност и одговорност во Ресен и Преспа. Неговиот повик наиде на поддршка од граѓаните. Редовно, по изборите, во многу градови со месеци остануваат излепените политички плакати, постерите и расфрланите флаери на јавни површини.

Изминатиот период, пред влезовите на многу згради можеше да се забележи истакната објава дека станарите забрануваат оставање на политички и останати рекламни материјали во нивните влезови.

Вики Клинчарова