Градоначалникот на Бутел ќе избрка 60 вработени, половина не оделе на работа

Од понеделник шеесет вработени лица во Општина Бутел повеќе нема да бидат во работен однос, голем дел од овие вработени, поточно триесетина лица воопшто се немаат појавено на своето работно место со години, дел се појавувале повремено, додека пак дел биле редовни но немале буквално никакви работни задачи. Секако за ова доказ е системот за евиденција на работно време.

Ова на социјалните мрежи го напиша новиот градоначалник на скопската општина Бутел, Дарко Костовски.

„Општина Бутел не смее да биде заложник на вакви нити пак слични ситуации во иднина, потрошени се премногу средства сосема непотребно, средства со кои можело да се направат голем број проекти за добро на граѓаните“, стои во неговата објава на Фејсбук.