Градежен работник паднал од ѕид висок 2,75 метри

Додека изведувал градежни работи во куќата сопственост на Р.А.(50) во село Долна Бањица, 19-годишниот А.Ц. од истото село вчера околу 8 часот паднал од ѕид на висина од 2,75 метри и се повредил, соопшти полицијата.

Потоа, тој бил пренесен во Медицински центар Гостивар, од каде, по укажаната лекарска помош бил префрлен во Ургентен центар при комплексот клиники „Мајка Тереза“ во Скопје.

Се преземаат мерки за расчистување на случајот.