Гори во неготинско Пепелиште!

Густ чад кој се шири над Неготино ги разбуди неготинци утрово.

Првичните претпоставки на граѓаните, дека најверојатно повторно гори депонијата Дуброво се испоставија како неточни, а станувало збор за пожар во неготинското село Пепелиште.

– Од рано утрово се гледаше чадот, еве и попладне се уште гори, среде најголемите жештини, само уште оваа загаденост на воздухот фалеше, коментираат неготинци.

Од центарот за итни случаи информираат дека станува збор за пожар во Пепелиште, и се работело на негово локализирање и гасење.

Се уште нема официјална информација што е зафатено со пожарот.

Вики Клинчарова