Голема спасувачка операција е во тек во близина на шведскиот брег, каде што гори ферибот со 300 луѓе, соопштија шведските поморски власти.

-Има пожар на палубата за автомобили“, изјави за AFP портпаролот на шведската поморска управа, Јонас Францен, додавајќи дека три хеликоптери и седум пловни објекти се испратени на местото на настанот и дека започнала евакуација на бродот.

Засега нема информации за повредени, а причината за пожарот се уште не е позната.

-Пожарот е под контрола, изјавил за АФП портпаролката Лиза Мјорнинг.

Бродот Stena Scandica се наоѓал во близина на островот Гоцка Сандон во близина на југоисточниот брег на Шведска.