Гори фабрика за рециклирање пластика во Атина, предупредување до жителите да останат дома

Голем пожар избувна утрово во фабрика за рециклирање пластика во предградието Метаморфоси во северниот дел на Атина, затворен е дел од автопатот кон Ламиа, додека пак посебна загриженост предизвикува густиот отровен чад.

Од Секретаријатот за цивилна заштита на Грција, освен што соопштија упатства до граѓаните, испратија порака до мобилните телефони на жителите на Атина, преку бројот за итни случаи со која предупредуваат за опасниот чад.

-Затворете ги сите врати и прозорци. Избегнете движења. Пожар во фабрика за пластика во вашиот регион, опасен чад. Вдишувњето на чадот може да биде опасно, пишува во пораката.

Во гаснењето на пожарот интервенираат 49 пожарникари со 14 возила, два хеликоптери, волонтери и цистерни од општината.