Ѓоргиев: Мешовитата комисија е во методолошки ќорсокак

Претседавачот на мешовитата комисија за историски прашања од македонска страна, професорот Драги Ѓоргиев во вечерашното интервју на телевизија Канал 5 рече дека работата на комисијата е во методолошки ќорсокак.

-Последите два дена беше една тешка исцрпна средба, во која за жал повторно нема резулати и повторно дојдоа до израз различни пристапи во работата и различните пристапи во разгледувањето на учебниците и евентуалното давање препораки. Веќе симптоматично е дека работата на комисија влегува во еден методолошки ќорсокак и за ова треба да се разговара во наредниот период, рече Ѓоргиев.