731
Голем шумски пожар денес ја зафати областа околу Ерусалим.
Израелските медиуми јавија дека во гасењето се ангажирани стотици пожарникари од целата земја, но дека високите температури, сувиот воздух и ветерот ги попречуваат нивните напори.
Израелската полиција соопшти дека се евакуираат илјадници жители од неколку места западно од Ерусалим, дека на некои им е укажана помош бидејќи вдишале чад, и дека патиштата во таа област се затворени за сообраќај.
Министерот за одбрана на Израел, Бени Ганц, и нареди на војската да им помогне на пожарникарите во борбата со пожарот.