Новак Ѓоковиќ загуби во финалето на Вимблдон од Карлос Алкараз со 3:0 во сетови (6:2, 6:2, 7:6).
Шпанецот одигра многу подобар натпревар од Новак, кој се разбуди само во третиот сет, спаси три врзани меч топки на сервис на својот ривал, но тоа беше се од Ѓоковиќ. Така Шпанецот го освои својот втор Вимблдон, победувајќи го Ноле две години по ред во финалето на лондонскиот Грен слем.
Новак сега го чекаат Олимписките игри во Париз, каде најави напад на еден од медалите.
Сигурно е дека по сите овие напорни случувања, Ѓоковиќ ќе реши да одмори, а како дестинација секогаш ја избира Марбеља во Шпанија, каде има луксузна вила и најидеални можни услови за тренинг и одмор.
Во вилата Ѓоковиќ поседува мала кино сала, теретана, мал спа центар, девет соби, осум бањи, внатрешен базен, соби за дневна соба, рекреација…
Своевремено познатиот италијански весник „Кориере дело спорт“ пишуваше за резиденцијата на Новак.
– Новата `куќа` на српскиот ас е апсолутно удобна: од мала кино сала до теретана, од мал спа центар до, се разбира, тениско игралиште. Има девет соби, осум бањи, внатрешен базен, неколку дневни соби и посебна просторија за рекреација со билијард и пинг-понг. Новата резиденција на Ноле се наоѓа на пет минути од центарот на Марбеља, со поглед и кон морето и кон планините – пишува италијанскиот весник.
Марбела се наоѓа во Андалузија, на крајниот југ на Шпанија. Има околу 140.000 жители, а климата е одлична во текот на целата година.