Со влезот во третото коло на Австралија опен, најдобриот српски тенисер Новак Ѓоковиќ го надмина рекордот на Роџер Федерер по број на мечеви во сингл конкуренција на Грен слем турнирите. 37-годишниот тенисер во 430. грен слем сингл меч го победи Португалецот Хамес Фариа – во сетови беше 3:1 (6-1, 6-7, 6-3, 6-2).
Ѓоковиќ има одиграно најмногу Грен слем натпревари во историјата и во машка и во женска конкуренција – Серена Вилијамс има 423.
„Го сакам овој спорт и се трудам секој пат да дадам се од себе“, изјави Ѓоковиќ по победата над Португалецот.
Со соборениот рекорд на Федерер, актуелниот олимписки шампион стана првиот човек над 30 години со 150 Грен слем победи во сингл.
До крајот на Отвореното првенство на Австралија, Ѓоковиќ може да ги додаде своите други рекорди.
Со освојување на турнирот ќе го освои и 25. Грен слем трофеј, кој во моментов е најмногу во историјата, како и титулата во Мелбурн – 10-та.