Најдобриот светски тенисер Новак Ѓоковиќ се пласираше во 11. полуфинале на Австралија опен откако го совлада Американецот Тејлор Фриц, а постигна и рекорд кој многу му значи.
Имено, Србинот се израмни со достигнувањето на Моника Селеш, која му беше идол од детството. Новосаѓанката во Мелбурн оствари низа од 33 победи, која сега ја оствари и Новак.
– Тоа многу ми значи. Не знаев дека го споделувам ова достигнување, овој рекорд со неа. Тоа го прави, се разбира, уште поспецијален за мене. Навистина ја сакам Моника. Ја имав Моника во мојата глава кога растев во Србија речиси секој ден, бидејќи Јелена Генчиќ, мојата „тениска мајка“, како што сакам да ја наречам, почина во 2012 година, а работеше со Моника кога беше мала. Слушнав многу за Моника, Моника ова, Моника она, Моника го јаде ова, Моника спие толку многу, Моника вежба вака. Значи, Моника беше дефинитивно еден од моите идоли и херои од детството и се обидов да се угледам на неа. Така, кога имав прилика да ја запознаам за првпат, навистина бев многу нервозен. Знаете, таа го зборува нашиот јазик затоа што е родена во Србија, но поголемиот дел од животот, како и сега, го помина во САД. Да, знам дека имаше неверојатна кариера и играше особено добро во Австралија. Да, сите се прашуваме до каде можела да отиде ако не и го направеле тоа, да, морала да го помине тоа низ што поминала. Да, о Моника, имам само добри работи да кажам за неа. Навистина ми е драго што го споделуваме ова достигнување – изјави Новак Ѓоковиќ.
На Моника Селеш, која во последно време не се појавува толку многу во медиумите, не и требаше долго за да се огласи.
– Одамна престанав да му ги бројам грен слем титулите на Новак – одамна, знаев дека ќе ги собори сите рекорди и дека ќе постави многу тешки за следните генерации. Посакувам само да игра во ист жанр, би било одлично да играме мешано заедно, тоа би било феноменално. Ти благодарам Новак за благодарноста и почитта и – одиме, победи на Австралија опен – изјави Моника Селеш.