Ивана Илиќ, мајката на малата Данка Илиќ (2), за српските медиуми ја отвори душата и првпат проговори за трагичниот 26 март, кога исчезна двегодишното девојче, а како што подоцна ќе се испостави, кога таа беше убиена на монструозен начин.
– Ги зедов Данка и мојот син тој ден со намера да играм на местото каде што пораснав и каде што имам најубави спомени. Таму имав убаво детство. Страшно е некој да се посомнева во мене само затоа што ги однесов децата на место што ми е толку важно – рече Ивана.
Како што кажа, девојчето исчезнало кога таа отишла до нејзиниот автомобил паркиран од другата страна на уличката, за земе шише со вода за нејзиниот син и раскажа како е шокирана кога не ги видела децата што ги оставила да си играат и кои претходно не се обиделе да го напуштат дворот:
– Кога се вратив на местото каде што беа децата, Данка ја немаше и почнав да се вртам во круг, да ја барам и да викам …
Ивана истакнува и дека ги видела „чудовиштата“ пред дворот.
– Не дај боже некој да биде таков и толку. Тој не се опоравува од ова. Мојата агонија започна од моментот кога Данка исчезна од дворот. Му дадов на син ми шише вода од колата и веќе никаде ја немаше. Одев во круг викајќи ја и барајќи ја, а кога погледнав кон патот, ги видов тие двајца на портата. Едниот ме гледаше, а другиот ѕиркаше околу нашата ограда – се присети Ивана на средбата со убијците Дејан Драгијевиќ (50) и Срѓан Јанковиќ (50).
Ивана и е благодарна на полицијата која од почетокот е вклучена во случајот со надеж дека ќе биде расчистен до крај.