Германски производител размислува да гради фабрика за тенкови во Украина

Киев Индипендент пишува дека германскиот производител на оружје Рајнметал разговара со украинските власти за изградба на фабрика за тенкови во Украина, повикувајќи се на извештај во списанието Der Spiegel.

Според шефот на компанијата, Армин Папергер, во Украина може да се изгради фабрика за околу 200 милиони евра и може да произведува до 400 борбени тенкови од типот Пантер годишно.

Папергер ги опиша разговорите со украинската влада како „ветувачки“, додавајќи дека се надева на одлука „во следните два месеци“.