Германија воведува задолжително тестирање за Ковид-19 за патници од земји со висок ризик

Патниците што влегуваат во Германија од земји со висок ризик мораат да се тестираат за корона вирус на аеродромите, одлучија германските државни министри за здравство.

Министрите денеска одржаа онлајн состанок на кој се договорија за задолжителните тестови.

Досега, патниците од земјите со висок ризик мораа да се самоизолираат 14 дена, иако мерката тешко се спроведуваше. Институтот Роберт Кох, германската агенција за контрола на болести, во моментов за ризични ги смета повеќето странски земји.

Луѓето кои влегуваат во Германија од земји со низок ризик, како Франција, Шпанија, Грција и поголемиот дел од ЕУ, не би требало да се тестираат според новиот правилник.