Во следните шест месеци претседателствувањето на Германија со Европската Унија првенствено ќе биде посветено на борбата против пандемијата со Ковид-19 и нејзините последици.
Како втор приоритет се наведуваат разговорите за Брегзит, кои треба да завршат до крајот на годината.
Помеѓу приоритетите на Берлин во втората половина од годината се наведуваат и постигнување договор за миграцијата, законот за клим и Конференцијата за иднината на Европа.
Иако беше планирано Западниот Балкан да биде во фокусот на германското претседателствување со Унијата, пандемијата ги смени плановите. Но, Берлин покажува интерес за продолжување на Дијалогот Белград – Приштина.
За време на подготовките за претседателствување со Советот на ЕУ од Берлин беше најавено дека германскиот фокус ќе биде на Западен Балкан и проширувањето, но поради пандемијата беа воспоставени „нови приоритети“, а следните шест месеци неформално го добија името „корона претседавање“.
