Гаши: Штом Реџепи вели дека е слободен, не можеме да му противречиме

Лидерот на Алтернатива, Африм Гаши во вечерашното гостување во емисијата „360 степени“ рече дека јавноста нема право да се сомнева, штом самиот Кастриот Реџепи вели дека тој е слободен и по своја волја не дошол во Собранието.

Не можеме да кажеме нешто друго од тоа што го кажа лично пратеникот. Ако вели ’сум слободен, по моја волја сум тука‘, немаме право да кажеме нешто ако тој го кажал спротивното за себе. Дали имало притисоци и така натаму, тоа е сосема друга димензија. Но, сè додека тој лично излегува и кажува што се случило, кој е неговиот став, мислам дека јавноста треба да молчи односно нема право да му противречи, рече Гаши.