„Имаме напредок, следуваат консултации во партиите“

Можеме да ви кажеме дека имаме напрадок, следуваат консултации во нашите партии, изјави вечерва лидерот на Алтернатива Африм Гаши по средбата со премиерот Зоран Заев.

Четиричасовната средба на Гаши и Заев, што се одржа во Клубот на пратениците, беше продолжение на преговорите за вклучување на Алтернатива во Владата и парламентарното мнозинство.

Во соопштението од денешната средба се додава и дека се очекува до крајот на оваа недела да се остварат потребните консултации низ партиите и да се обезбеди потребното усогласување со цел за постигнување договор за можна заедничка влада, која според двете страни, ќе треба да се посвети на предизвиците кои доаѓаат од пандемијата и глобалната енергетска криза.