Претходничката на Елизабета Канческа Милеска, поранешната министерка за култура во владата на Љупчо Георгиевски, Ганка Самоиловска Цветанова, ја прашува сега актуелната пратеничка на ВМРО-ДПМНЕ дали ќе гласа за уставни измени. Твитот на Ганка следи откако Канческа Милевска вчера од собраниската говорница порача дека е потребен национален консензус за ова прашање.
„Ја повикувам поранешната министерка за култура и пратеничка од редовите на ВМРОДПМНЕ, Елизабета Канческа Милевска јавно и недвосмислено да се произнесе дали ќе гласа за уставните измени! Барем толку и’ должи на македонската култура која ја застапуваше во изминативе 11 години!“, напиша таа на Твитер.
Канческа-Милевска вчера на расправата истакна дека е против начинот на кој е направен договорот со Грција, но сепак остави простор и услови да се дојде до усогласување помеѓу СДСМ и ВМРО-ДПМНЕ.