Со старт од плоштадот „Македонија“ денеска точно напладне се одржа традиционалната Дедомразовска трка во организација на здружението за спорт и рекреација „Прв до врв“, со поддршка на Град Скопје и Coca-Cola.

Повеќе стотици учесници во дедомразовски костуми трчаа во центарот на главниот град, по траса долга вкупно два километри. Се трчаше од Градскиот плоштад кон Порта Македонија, паркот на жената борец, хотелот „Холидеј Ин“, мостот кај Министерството за надворешни работи, покрај Вардар кон Камениот мост и преку преку мостот до целта-плоштадот „Македонија“.

Трката покрај натпреварувачки имаше и забавен карактер.

Победниците беа наградении, а на најсреќните учесници преку лотарија  им се исполнија новогодишните желби без оглед на резултатот и освоеното место.

Пред и по трката се реализираше музичка програма, загревање со фитнес инструктор.