Денеска голем дел на Македонија беше зафатен од силно невреме проследено со обилни врнежи од дожд, град и грмотевици. И булеварите од главниот град Скопје беа преплавени од вода, отежнувајќи го сообраќајот низ метрополата.
Дождот направи штета во скопската населба Пинтија, откако на булеварот „Борис Трајковски“ се урна потпорен ѕид и за момент сообраќајот беше сопрен.
Екипи на Град Скопје со механизација работеа на расчистување на проблемот предизвикан од силните врнежи денеска.
