Г.г. Стефан: Оние кои се загрижени за правата на жената, се непознавачи на нејзиното вистинско место во христијанството

Оние кои се загрижени за третманот и правата на жената, се непознавачи на нејзиното вистинско место во христијанството. Вака порака испрати поглаварот на Македонската Православна Црква – Охридска Архиепископија г.г. Стефан денеска во обраќањето по повод големиот христијански празник во манастирот „Успение на Пресвета Богородица“ на Матка.

-До каде ќе стигне светот со истополовите бракови и со хуруршката промена на полови? Вистинско време е самопрогласените борци за правата на жените да се запрашаат како ќе се раѓаат и воспитуваат идните поколенија? Пресвета Богородица била и останува да биде идеал за мајка. И со покажаната љубов и со трпението и со подготвеноста за страдање и подготвеноста за саможртва, рече г.г. Стефан.