ФЗО од понеделник стапува во штрајк, ќе се работат само неопходните предмети

Од понеделник синдикатот на УПОЗ при Фондот за здравствено осигурување стапува во штрајк. Ќе штрајкуваат сите подрачни единици на фондот и ќе ги извршуваат само неопходните работни задачи.

Како што најавија, за прием на документите во подрачните единици ќе биде задолжен само еден вработен.

Вработените се заблагодарија за досегашната поддршка и разбирање на граѓаните и лекарите, кои ги поддржуваат вработените во нивните барања и се на страната на работниците во ФЗОМ и имаат разбирање за нивниот проблем со платите.

Најавија прес-конференција за в понеделник во 11:30 пред просториите на Фондот.