Дваесетгодишниот Урош Блажиќ кој е осомничен за масакрот во селата Дубона и Мало Орашје, доби дисциплинска казна ограничување на посети за сите членови на семејството.
Оваа казна му е изречена откако се степа со приведениот Ј.С.
„На 29.6.2023 година, судијата за претходна постапка на Вишиот суд во Смедерево донел решение со кое на приведениот Урош Блажиќ му изрече дисциплинска казна, ограничувајќи ги посетите на сите членови на семејството за 14 јули и 21 јули, а во постапка на одлучување за дисциплинска казна за осомничениот по повод настанот од 17 јуни, што се случи во притворското одделение на Окружниот затвор во Смедерево, кога најпрвин дошло до вербален, а потоа и физички конфликт меѓу притворените Ј.С. и Урош Блажиќ“, изјавија за „Блиц“ од Вишиот суд во Смедерево.
Урош Блажиќ е осомничен дека на 4 мај на територијата на Смедерево и Младеновац уби девет и се обиде да убие 12 лица со истрели од автоматска пушка, додека уште еден млад човек им подлегнал на повредите со кои се здоби.