На фудбалерите во Италија ќе им биде забрането да го носат бројот 88 на своите дресови како дел од иницијативата за борба против антисемитизмот, соопшти денеска Здружението.
Бројот 88 е нумеричкиот код за „Хајл Хитлер“.
Во март, навивач облечен во дрес на Лацио со името „Хитлерсон“ и број 88 доби доживотна забрана за присуство на натпреварите на римскиот клуб.
Иницијативата, координирана од италијанската влада и Италијанската фудбалска асоцијација, вклучува додавање на етички кодекс во согласност со Меѓународната асоцијација за сеќавање на холокаустот.
Иницијативата, исто така, бара да се прекинат натпреварите во случај на антисемитски скандирања, слично на тоа како треба да се постапува со случаите на расизам.
Италијанскиот министер за внатрешни работи Матео Пјантедоси рече дека потезите се „соодветен и ефективен одговор на неподносливите предрасуди кои се појавуваат премногу често на италијанските стадиони“.
„Кредибилитетот на фудбалот, кој е повреден и оштетен од дискриминаторско однесување, директно се одразува на италијанското општество“ – додаде претседателот на Италијанската фудбалска асоцијација, Габриеле Гравина.
