(ФОТО) Со специјална противпожарна скала синоќа беше изгасен пожарот во „Рагуза“

Со интервенција на противпожарната скала беше изгаснат синоќешниот пожар во ресторанот „Рагуза“ кој се наоѓа на кровот од катната гаража „26 Јули“ во Скопје.

„Благодарение на брзата интервенција на скопските пожарникари екипирани со новата 45 метарска повеќенаменска противпожарна скала, пожарот што вечерва избувна во ресторанот Рагуза на покривот во катната гаража „26 Јули“ беше изгасен во најбрз можен рок. Употребата на специјалната противпожарната скала беше клучно за брзо локализирање и ефикасно гаснење на пожарот на висока локација, а со тоа е спречено и негово проширување низ долните катови од катната гаража и предизвикување огромна материјална штета“, информираше Петре Шилегов, градоначалникот на Скопје.