Македонската новинска агенција објави фотографија на која може да се забележи колку реката Вардар е матна, после вчерашните дождови.
Нивото на реката кај Јегуновце, кај Железнички мост Скопје и кај Демир Капија, е зголемено во однос на просекот за август, покажуваат резултатите од последните мерења направени од Управата за хидрометеоролошки работи.
Зголемувања на водостоите се измерени и на Брегалница кај Берово и кај Штип, на Бабуна, кај Богомила и на реката Струмица кај Сушево.
Пониско ниво од просекот за август има на вливот на Лепенец, Треска кај Македонски Брод, Крива Река кај Крива Паланка и на Пчиња кај Пелинце.
