(ФОТО) Неапол во делириум: Елиф Елмас потпиша петгодишен договор со Наполи!

Денеска е веќе и официјално – македонскиот фудбалски репрезентативец Елиф Елмас потпиша петгодишен договор со италијанскиот гигант Наполи.

Оваа информација беше објавена на официјалната клупска страна на „наполитанците“, а и менаџерот на Елмас, Никола Ѓошевски објави фотографии од потпишувањето на договорот.

Претседателот на Наполи, Алулерио Де Лаурентис му посака добредојде на Елиф Елмас. Нашиот сениорски репрезентативец со договорот ќе заработува по 1.3 милиони евра по сезона плус дополнителни бонуси.

Трансферот на Елмас во Наполи наиде на огромни позитивни коментари од навивачите на клубот, кој заврши на второто место минатата сезона во Калчото.

Елмас дојде во Наполи од Фенербахче, а својата кариера ја започна во нашиот прволигаш Работнички.