Бизнисменот Орце Камчев и поранешниот прв човек на УБК, Сашо Мијалков, денеска во Кривичниот суд седнаа на обвинителна клупа како обвинети во случајот “Плацевите на Водно”.
Во овој случај обвинети се и екс премиерот Никола Груевски, Ристо Новачевски, Ненад Јосифовиќ и Ратка Камчева.
Предметот го води судијата Илија Трпков, а обвинител во случајот е Лиле Стефанова.
Според обвинението, Груевски е обвинет за делата „перење пари и за противправно стекнување и прикривање на имот“.
Неговиот кум Ристо Новачевски, бизнисмените Ненад Јосифовиќ, Јордан (Орце) Камчев и Ратка Куновска Камчева се товарат за „перење пари“, а првиот братучед на Груевски и поранешен директор на УБК, Сашо Мијалков, е обвинет за „помагање при кривично дело перење пари и други приноси од казниво дело“.
В.В.
