949
Австрискиот напаѓач, Марко Арнаутовиќ во вчерашниот натпревар против Македонија беше во центарот на вниманието, поради навредливите зборови упатени кон Езџан Алиоски.
Тој го постигна третиот гол за Австрија, а потоа влезе во вербален конфликт со Алиоски. Медиумите открија дека имало навреди на националистичка основа. Арнаутовиќ преку социјалните мрежи се извини и на македонски и на албански јазик.
„Вчера имаше некои жешки зборови искажани во емоции на натпреварот, за кои би сакал да се извинам, посебно на моите пријатели од Македонија и Албанија. Би сакал да кажам една работа јасно: Не сум расист! Имам пријатели во речиси секоја земја, и се залагам за различности. Секој кој ме знае е свесен за тоа. Извинете“, напиша Арнаутовиќ на Инстаграм.
