Фон дер Лајен со Венс: ЕУ посветена на фер трговски односи со САД

Претседателката на Европската комисија Урсула фон дер Лајен денеска ја потврди посветеноста на ЕУ за фер трговски односи со САД за време на билатералната средба со американскиот потпретседател Џеј Ди Венс, на маргините на самитот на Глобалното партнерство за вештачка интелигенција (ГПАИ) во Париз, објави ЕУ.

Се наведува дека Фон дер Лајен и Венс ја истакнале силата на односите ЕУ-САД и нивната клучна улога на геополитичкиот пазар, пренесува Ројтерс.

Фон дер Лајен и Венс разговараа за безбедносните и технолошките предизвици, а претседателот на ЕК му кажа на Венс дека со нетрпение чека да се сретне со американскиот претседател Доналд Трамп.