Сакаме да бидеме партнери со САД за да обезбедиме праведен и траен мир за Украина, му порача претседателката на Европската комисија (ЕК), Урсула фон дер Лајен на специјалниот пратеник на САД за Украина и Русија, Кит Келог, кој во моментов е во посета на Брисел.
„Финансиски и воено, Европа придонесе (за Украина) повеќе од кој било друг. И ќе се засилиме. Сакаме да бидеме партнери со САД за да обезбедиме праведен и траен мир за Украина. Сега е критичниот момент“, пишува Фон дер Лајен во објава на социјалната мрежа X.
Important discussion with @generalkellogg on Ukraine.
Financially and militarily, Europe has brought more to the table than anyone else. And we will step up.
We want to partner with the US to deliver a just and lasting peace for Ukraine.
Now is a critical moment.
— Ursula von der Leyen (@vonderleyen) February 18, 2025
За време на средбата со Келог, претседателката на ЕК ја нагласила улогата на ЕУ во обезбедувањето финансиска и одбранбена стабилност на Украина, со вкупна поддршка од 135 милијарди евра – повеќе од кој било друг сојузник.
Ги истакнала плановите на Европа за зголемување на производството и трошоците за одбрана, зајакнувајќи ги европските и украинските воени капацитети, додавајќи дека ЕУ е подготвена да направи уште повеќе за Украина.