Фон дер Лајен: „Нема оправдување за напад на болница полна со медицински персонал и цивили“

Претседателката на Европската комисија, Урсула фон дер Лајен вели дека е тажна поради нападот на болницата Ал-Ахли во Газа и големиот број загинати.

„Нема оправдување за напад на болница полна со медицински персонал и цивили. Мора да се утврдат сите факти и одговорните мора да одговараат“, напиша Фон дер Лејен на X.

I am saddened by the strike against the Al-Ahli hospital and the huge death toll.

There is no excuse for hitting a hospital full of medical staff and civilians.

All the facts have to be established and those responsible must be held accountable.

— Ursula von der Leyen (@vonderleyen) October 18, 2023

Шефот на Обединетите нации, Антонио Гутереш повика на итен прекин на огнот во војната меѓу Израел и Хамас. На барањето се приклучија 22 арапски земји. Ријад Мансур, палестинскиот амбасадор во ОН, рече дека членовите на Арапската група се огорчени од овој масакр и обединети во нивното барање за испорака на хуманитарна помош и спречување на принудно раселување на Палестинците.