Финска размислува да ги затвори граничните премини со Русија

Финските власти најавија дека размислуваат да го ограничат граничниот сообраќај или дури да ги затворат премините со Русија поради зголемувањето на бројот на илегални премини на мигранти.

Премиерот Петери Орпо рече дека Русија намерно им дозволува на мигрантите да ја преминат границата и покрај недостигот на валидни документи, додавајќи дека тоа е обид да ги дестабилизира соседите.

„Се чини дека тоа е намерна одлука. Пораката на владата е јасна, сакаме да ја обезбедиме безбедноста на нашите граници“, рече Орпо.

Финска дели граница од 1.340 километри со Русија.