Филипче засега не дава оставка, го чека исходот од истрагата

Министерот за здравство Венко Филипче на денешната прес конференција во однос на тоа дали ќе поднесе оставка поради вчерашната трагедија во Тетово рече дека одлуката ќе донесе откако ќе заврши истрагата.

-Дозволете да кажам дека од одговорност не бегам, но инсистирам на тоа да заврши истрагата. Поради тоа што и овој период има потреба од менаџирање на кризата. Апсолутно после завршување на истрагата ќе донесам одлука дали ќе поднесам оставка. Навистина е тешко да се опише со зборови тежината која ја чувствувам, рече Филипче.