Филипче закажа прес, ќе поднесе ли оставка?

Министерот за здравство, Венко Филипче закажа прес конференција за вечерва во 19 часот. Бидејќи во моментов не се очекуваат новости од истрагата за пожарот во Тетово, се отвора прашањето дали министерот сепак ќе поднесе оставка од морални причини.

На вчерашната прес конференција Филипче рече дека ќе чека да заврши истрагата, па потоа ќе донесе одлука дали ќе поднесе оставка. Но, јавноста врши голем притисок.

Денеска и претседателот Стево Пендаровски изјави дека тој да бил во таква позиција, веднаш би поднел оставка.