Филипче: Навистина не е тешко да се следат и почитуваат трите клучни мерки за заштита од вирусот

Зголемениот број на заразени повторно го врати полицискиот час во Северна Македонија за време на овој продолжен викенд.

Министерот за здравство, Венко Филипче уште еднаш упати апел за трите клучни мерки за заштита од корона вирусот.

„Навистина не е тешко да се следат и почитуваат овие три клучни мерки за заштита од коронавирусот. Едноставно немаме и не постојат други механизми за заштита. Мора да се навикнеме да живееме со вирусот и да се штитиме постојано. Само така може да излеземе од кризата“, истакна тој.