Филипче на средба со верските лидери: Им укажав на ризиците кои ги носи групирањето на верниците во затворени простории

Министерот за здравство Венко Филипче денеска се сретнал со архиепископот на МПЦ, г.г Стефан и поглаварот на ИВЗ, Реисул Улема хаџи Шаќир ефенди Фетаи.

-Денес се сретнав со поглаварот на Македонската Православна Црква – Охридска Архиепископија, Архиепископот Охридски и Македонски, г.г. Стефан, и поглаварот на Исламската верска заедница, Реисул Улема хаџи Шаќир ефенди Фетаи. На средбата разговаравме за актуелната состојба со коронавирусот при што им укажав на ризиците кои ги носи групирањето на верниците во затворени простории за време на претстојните верски празници. Се согласивме дека сите чинители треба активно да придонесат во битката со пандемијата и договоривме интензивна комуникација во следниот период, истакна Филипче.