Ферстапен најбрз во трката во Монтреал, Ферари најголемо разочарување

Актуелниот Ф1 шампион, Макс Ферстапен победи на трката која вечерва се одржа во Монтреал за Големата награда на Канада.

Покрај временските промени на стазата „Жак Вилнев“, инцидентите, беше активирано повеќепати и безбедносното возило.

Ферстапен ја започна оваа трка од второто место, а на крајот дојде на врвот на пиедесталот, при што ја забележа шестата победа сезонава или 60-та во кариерата.

Зад него остана Норис од Мекларен, додека трет беше Расел од Мерцедес.

Бодови освоија уште Хамилтон, Пјастри, Алонсо, Строл, Рикардо и Гасли. Најголемо разочарување викендов беше Ферари кој и вчера беше очаен во квалификациите, вечерва пак трката не ја завршија ниту Шарл Леклер ниту Карлос Саинц.