Фатен е струмичанец кој побегна од штипскиот затвор

МВР информира дека синоќа во 21.30 часот во Струмица, полициски службеници од СВР Струмица го лишиле од слобода А.К.(30) од Струмица.

Тој бил баран по потерница поради бегство од Казнено – поправната установа Затвор Штип, каде издржувал затворска казна во траење од 3 години за сторено кривично дело „тешки дела против безбедноста на луѓето и имотот во сообраќајот“, а имал за доиздржување 2 години и 5 месеци.

Лицето било спроведено во Казнено – поправната установа Затвор Штип за доиздржување на казната.