„Власта секојдневно се соочува со чувството на губење моќ што го избриша сето чувство за хуманост. Толку многу излегоа од контрола што се спремни три децении да си играат со чувствата на најугнетените граѓани. Со најголема дрскост премиерот Димитар Ковачевски, министерот за правда Кренар Лога и некои заменици и директори вчера се појавија пред непријавените граѓани за да им се дадат уверенија“ рекоа денеска на прес-конференција од Европски сојуз за промена.
Оттаму велат дека „целата оваа манипулација е само за СДСМ да освои неколку гласови. И не само СДСМ туку и АА и ДУИ. Поголем античовечки чин досега не се памети.
И додека ги манипулираат овие граѓани кои ги угнетуваа три децении, ДУИ и АА ги заборавија сите оние граѓани кои сè уште не можат да добијат државјанство, само затоа што се Албанци и власта ги смета за `опасни`“.
„Покрај овие, оваа власт, веќе дијагностицирана со епидемија на корупција, се обидува да манипулира со илјадници граѓани преку отворање конкурси за вработување или одлуки за работа во пресрет на изборите. Ова е „Европскиот фронт“ на Ковачевски, Ахмети и Таравари, чии постапки не се европски, туку се крајно слични на руската и српската политика. Можете да продолжите да манипулирате, но деновите ви се одбројани и овие граѓани ќе ве казнат и ќе ве испратат каде што заслужувате“ беше речено на прес-конференцијата.
